«Դանթե Ալիգիերի» ասոցիացիան հիմնադրվել է 1889 թվականին Հռոմում իտալացի մտավորականների խմբի նախաձեռնությամբ՝ գրող և բանաստեղծ Ջոզուե Կարդուչչիի գլխավորությամբ:
Ասոցիացիայի նպատակն է տարածել իտալական լեզուն և մշակույթն ամբողջ աշխարհում, ներգրավել օտարերկրացիներին՝ բացահայտելու իտալական քաղաքակրթության հանդեպ իրենց սերը։ Ասոցիացիան ունի ավելի քան 500 կոմիտեներ, որոնցից 400-ը գործում են արտերկրում, ու աջակցում են դպրոցներին, համալսարաններին, գրադարաններին, կազմակերպում են իտալերեն լեզվի դասընթացներ, մշակութային ու կրթական միջոցառումներ, զբաղվում են հրատարակություններով և այլն:
Կենտրոնական գրասենյակը գտնվում է Հռոմում։
«Դանթե Ալիգիերի» ասոցիացիայի երևանյան կոմիտեն հիմնադրվել է 2018 թվականին: Հիմնադրումից առ այսօր մեր առաքելությունն է խթանել իտալական լեզվի և մշակույթի տարածումը Հայաստանում՝ առաջարկելով իտալերենի սերտիֆիկացված դասընթացներ, մշակութային միջոցառումներ, դասախոսություններ, սեմինարներ, ֆիլմերիցուցադրություններ և ինստիտուցիոնալ համագործակցություններ։
Միացի՛ր մեզ՝ բացահայտելու սերը իտալական մշակույթի և լեզվի նկատմամբ։
«Դանթե Ալիգիերի» ասոցիացիայի երևանյան կոմիտեի անդամ դառնալու համար անհրաժեշտ է լրացնել անդամակցության հայտը՝ հղում կամ պարզապես կապ հաստատել մեզ հետ հետևյալ էլ․ հասցեով՝ danteyerevan@gmail.com:
Անդամակցության համար սահմանված է տարեկան անդամավճար։ 2025 թվականի դրությամբ տարեկան վճարը կազմում է 12.000 դրամ, իսկ ուսանողների համար՝ 6.000 դրամ։
Անդամ դառնալը ոչ միայն նշանակում է մասնակցել մեր մշակութային և կրթական միջոցառումներին, այլև ակտիվորեն նպաստել իտալական լեզվի և մշակույթի տարածմանը Հայաստանում։
